أحدث ما نشر

مدونة الشاعر والباحث قاسم موسى الفرطوسي .

الأربعاء، 16 يوليو 2014

قاسم موسى الفرطوسي (ونيني عليج ما يبطل)





   


الشـــوق والحنيـن الى العمارة مديــنة الأهواروالمضايف وصيد الأسماك حيث قال:
                                         قاسم الفرطوسيفي الاهوار عام  1962 (الجالس في المنتصف)

 ونيني عليج ما يبطل
وحك مايـچ يل العماره
وصفا زادي ألي حنظل   
وگلبــي تــشــتعل نـاره
صـرنا بعيــــد يــاحلوه  
أو واحد مادرى بواحد
ســــوالفنا بگت ســلوه     
أعـدهن والكلب شـاهد
وأگولـن چنـه بالمشـــحوف
وبــهور الصحيـــن انـطوف
بردي وكصب زاهـي نشوف
وچوكات السمچ بالماي جراره
ونينـي عليــچ مايـبطل   
وحك مايچ يل العماره
يـل العماره شسولفلچ 
ماوصلتچ عنـي أخبار
لـوعنـي نيـام أهلــچ      
مايـدرون بيــه شصار
بيـه انـضربت الأمثال
بيدي چبت شلت الحال
مـن الثورة أشـد رحال
لهــويرة رجب والدمـع يــجاره   
ونيني عليچ مايـبطل        
وحك مايـچ يل العماره
الشاعر والباحث
قاسم موسى الفرطوسي